Հերթական աղոթքի տունը հայոց առաջնագծում՝ Մեհրաբի քաջարի տղաների նախաձեռնությամբ

Նոյեմբերի 9-ին առաջնագծի դիրքերից մեկում հերթական մատուռի օծումն էր. աղոթքի այս տունը կառուցվել է դիրքապահ Վանիկ Մակինյանի և իր ընկերների նախաձեռնությամբ ու ջանքերով:

Միայն հիանալ կարելի է՝ այսչափ զորավոր, կենդանի և զուլալ հավատք տեսնելով մեր դիրքերում։

Խրամատի տղաները բացառիկ են…

Մատուռի Խաչի օծման արարողությունը կարարեց Տավուշի թեմի առաջնորդ գերաշնորհ Տեր Բագրատ եպիսկոպոս Գալստանյանը: Զինվորականների ցանկությամբ Մատուռն անվանակոչվեց Սուրբ Սարգիս զորավարի անունով:
Մատուռի օծման արարողությանը ներկա էին 3֊րդ բանակային կորպուսի ավագ գնդերեց Տեր Վանանդ քհն. Անդրեասյանը, տարածաշրջանի հոգևորականները, բարձրաստիճան սպաներ և դիրքապահ զինվորներ: